Raitís Foghlama

RF 5
Tá feasacht ag an scoláire ar luachanna pearsanta agus tuiscint ar an bpróiseas chun cinnteoireacht ar bhonn morálta a dhéanamh.

Forbraíonn an scoláire féinfheasacht, lena n-áirítear feasacht faoina luachanna pearsanta agus an tionchar a imríonn siad ar chinnteoireacht ó lá go lá. Chomh maith leis sin, faigheann siad tuiscint, agus forbraíonn siad meas ar luachanna, creidiúintí agus eispéiris a d’fhéadfadh a bheith difriúil lena gcinn féin.

RF 6
Tuigeann an scoláire an chaoi a gcuireann luachanna, creidiúintí agus traidisiúin éagsúla leis na pobail agus leis an gcultúr ina maireann sé/sí agus tá meas aige/aici orthu.  

RF 11
Gníomhaíonn an scoláire chun a fholláine féin agus folláine daoine eile a chosaint agus a chothú. 

Foghlaimíonn an scoláire conas cinntí a dhéanamh chun tacaíocht a thabhairt dá shláinte agus dá fholláine agus do shláinte agus d’fholláine daoine eile. Faigheann sé eolas agus forbraíonn sé scileanna agus straitéisí a chuidíonn leis déileáil le dúshláin ábhartha an tsaoil agus foghlaimíonn sé faoin áit a mbeidh tacaíocht ar fáil nuair is gá sin.