An Araibis

Araibis

Is é is aidhm le hAraibis na hArdteistiméireachta cumas an scoláire a fhorbairt leis an Arabais a úsáid chun críche cumarsáide; an t-idirspleáchas idir teanga agus cultúr a fhiosrú; léirthuiscint ar luach teangacha chun críocha pearsanta, oideachasúla, gairme agus fóillíochta, ar feadh an tsaoil, a chothú; agus taitneamh a bhaint as foghlaim teanga. 

Tá sé d’aidhm aici inniúlacht ilteangach agus ilchultúrtha an scoláire a fhorbairt trí úsáid agus feasacht teanga, ag spreagadh fhorbairt agus úsáid straitéisí foghlama teanga, ag cothú tuiscint ar an gcaoi a n-oibríonn an Araibis agus á aithint gur féidir go gcabhrófaí le próiseas na foghlamtha teanga má dhéantar ceangail idir teangacha. Tá sonraíocht Araibis na hArdteistiméireachta ceaptha lena húsáid ag scoláirí a bhfuil inniúlacht bhunúsach teanga acu in Araibis agus ag scoláirí a bhfuil cúlra oidhreachta/ pobail/ teanga baile acu ar mian leo a scileanna ina stór cumarsáideach a fheabhsú chomh maithe lena n inniúlacht ilteangach agus ilchultúrtha. Is é is aidhm don tsonraíocht le haghaidh Araibis na hArdteistiméireachta inniúlacht teanga chumarsáideach a fhorbairt atá ag teacht den chuid is mó le bandaí A2 – B1 den Fhráma Tagartha Comónta Eorpach (FTCE) agus lena thuairisceoirí.

Cuirfear measúnú ar fáil ag an Ardleibhéal agus ag an nGnáthleibhéal araon.

Cuirfear an tsonraíocht seo i bhfeidhm i scoileanna ó Mheán Fómhair 2025. Leanfaidh daltaí atá ag tabhairt faoin Araibís faoi láthair leis an tSiollabas reatha don Arabis. (Siollabas Araibise na hArdteistiméireachta (Siollabas Eatramhach), atá ar fáil thíos.