Oideachas Sóisialta

Is é forbairt phearsanta agus sóisialta an scoláire príomhfhócas an chúrsa seo. Tugann sé deiseanna don scoláire mionscrúdú agus fiosrú a dhéanamh ar cheisteanna agus ar thopaicí a bhaineann le féin-fheasacht, caidrimh idirphearsanta, cúram sláinte agus le ceisteanna reatha sóisialta, eacnamaíocha, polaitiúla agus cultúrtha. Tá sé d’aidhm leis freisin an scoláire a ullmhú don aistriú ón saol spleách go dtí an saol neamhspleách.

Amhail ó mhí Mheán Fómhair 2025, beidh ar scoláirí atá ag dul isteach sa chéad bhliain de chlár na hArdteistiméireachta Feidhmí staidéar a dhéanamh ar an tsonraíocht churaclaim nua le haghaidh Oideachas Sóisialta, Pearsanta agus Sláinte (OSPS) na Sraithe Sinsearaí. Tiocfaidh an tsonraíocht OSPS in ionad mhodúil 1 agus 4 d’Oideachas Sóisialta.

Cuirtear tuilleadh eolais ar fáil sa Tuairisceoir Modúil le haghaidh Oideachas Sóisialta.