Aidhm agus Cuspóirí Aidhm Is é aidhm Chorpoideachas na hArdteistiméireachta forbairt a dhéanamh ar chumas an fhoghlaimeora corpoideachas agus gníomhaíocht choirp a dhéanamh sa tsraith shinsearach agus ina shaol amach anseo ar bhealach eolach, oilte, féintreoraithe agus smaointeach. Cuspóirí Is iad na spriocanna atá le Corpoideachas na hArdteistiméireachta forbairt a dhéanamh: ar thaispeántas an fhoghlaimeora i ngníomhaíocht choirp ar chumas an fhoghlaimeora machnamh a dhéanamh ar a thaispeántas i ngníomhaíocht choirp eolas agus tuiscint an fhoghlaimeora faoi na cúinsí a mbíonn tionchar acu ar thaispeántas agus ar rannpháirtíocht i ngníomhaíocht choirp an léirthuiscint atá ag an bhfoghlaimeoir ar na buntáistí atá le gníomhaíocht choirp le haghaidh sláinte agus folláine ar feadh an tsaoil ar chumas an fhoghlaimeora tabhairt faoi róil éagsúla i ngníomhaíochtaí coirp an tuiscint atá ag an bhfoghlaimeoir ar na prionsabail atá mar bhonn ag rannpháirtíocht eiticiúil i ngníomhaíocht choirp an tuiscint atá ag an bhfoghlaimeoir ar ról na gníomhaíochta coirp agus an spóirt i saol sóisialta agus cultúrtha na hÉireann.
