Gneithe Cailíochta Leagtar amach thíos gnéithe cáilíochta a bhaineann le hobair scoláirí ar an dá thasc. Is féidir le múinteoirí agus le scoláirí iad seo a úsáid, i dtéarmaí ginearálta, chun tacú lena bplé faoi agus lena mbreithiúnas ar an obair a rinneadh ar na tascanna measúnaithe. Le bheith níos sonraíche, is iad na gnéithe cáilíochta na critéir a úsáidfidh múinteoirí chun obair an scoláire a mheas. Beidh an grádú ar bhonn Gnóthaithe nó Le Gnóthú Fós. Is gá gach gné cáilíochta a chríochnú go rathúil chun go mbronnfaí an grádú Gnóthaithe ar an scoláire. Tasc chun Láthair Choire Bhréige a Fhiosrú Gnóthaithe Léirítear an seicheamh céimeanna a bhaineann le fianaise ó láthair choire a bhreathnú, a bhailiú, a thaifead agus a chaomhnú Úsáidtear trealamh cuí chun an fhianaise a bhailiú Ainmnítear cleachtais chuí chun scrúdú a dhéanamh ar phíosa amháin fianaise a bailíodh Cuirtear faisnéis in iúl trí roinnt eochairthéarmaí ábhartha agus foclóir oiriúnach a úsáid Tasc Turgnamh Eolaíochta Gnóthaithe Léiríonn an obair buntuiscint ar an gcaoi chun turgnamh fóiréinseach a dhéanamh ar phíosa fianaise fhisiceach Úsáidtear modhanna oiriúnacha chun anailís a dhéanamh ar fhianaise fhisiceach Is léir go dtuigtear conas an turgnamh a roghnaíodh a dhéanamh Léirítear feasacht ar an tábhacht atá le gnásanna sábháilteachta, más cuí Bunaithe ar thorthaí an turgnaimh, baintear tátail as chun an choir a fhuascailt Úsáidtear eochairfhocail oiriúnacha chun faisnéis a chur in iúl Tá roinnt fianaise ann ar phleanáil sheicheamhach Déantar tuartha buntúsacha agus/nó tuairimí agus/nó freagairtí mothúchánacha i leith na hoibre (gnéithe a bhí taitneamhach/ pas beag deacair/a dhéanfaí go difriúil in athuair)
