Aonaid Tosaíochta Foghlama Is iad na ATFnna na comhpháirteanna lárnacha i gCláir Foghlama Leibhéal 2. Tá roinnt eilimintí i ngach ATF a shoiléiríonn an t-eolas, na scileanna agus na dearcthaí a bhíonn i gceist. Leagtar amach na ATFnna, na heilimintí agus a gcuid torthaí foghlama ábhartha in Cláir Foghlama Leibhéal 2: Treoirlínte do Mhúinteoirí. Meastar na ATFnna agus na heilimintí atá sainithe thíos bheith lárnach sa ghearrchúrsa seo. Aonad Tosaíochta Foghlama Eilimint ATF Gníomhaíochtaí Foghlama Scoláire Cumarsáid agus Litearthacht Ag caint/ag comharthú mar is cuí ar son cuspóirí éagsúla agus aireachas mar éisteoir a léiriú I Snáithe 3, b’fhéidir go ndéanfadh an scoláire rólimirt mar bhleachtaire ILC ag cur agallaimh ar scoláirí eile mar amhrastaigh nó mar fhinnéithe, chun eolas a fháil. I rith an chúrsa léann agus/nó éisteann sé chun eolas a fháil. Is féidir leis an scoláire freisin i Snáithe 4 torthaí a chur i láthair lucht féachana faoi fhormáidí éagsúla Uimhearthacht Feasacht ar mheáchan agus ar thoilleadh a fhorbairt I Snáithe 2, tá roinnt turgnamh ann a éilíonn ar an scoláire meá, crúiscíní tomhais agus sorcóirí grádaithe a úsáid, agus dá réir sin tuiscint a fháil ar mhais/mheá agus ar thoilleadh. Cúram Pearsanta Fios bheith agat conas fanacht sábháilte I Snáithe 2 aithníonn an scoláire guaiseacha sábhála a thiocfadh tarlú i saotharlann agus na réamhchúraimí atá le glacadh chun a leithéid de ghuaiseacha a sheachaint. Ag Maireachtáil i bPobal Dea-chaidrimh a fhorbairt Is tábhachtach san eolaíocht róil a ghlacadh ort féin taobh istigh d’fhoireann. Sna snáitheanna uile, foghlaimíonn an scoláire chun cumarsáid a dhéanamh mar is cuí le daoine difriúla, is cuma cé acu piaraí, múinteoirí, daoine ón bpobal nó aoichainteoirí, agus chun páirt chomhoibríoch a ghlacadh i suíomhanna grúpa. Ag Ullmhú don Obair Bheith ábalta spriocanna a shocrú don fhoghlaim Tá spriocanna éagsúla ag an scoláire le bheith ag obair ina dtreo m.sh. turgnamh a chríochnú agus substaint a aithint i Snáithe 1. I rith an chúrsa, foghlaimíonn an scoláire an tábhacht atá le tascanna a sheicheamhú chun sprioc a bhaint amach agus breathnú orthu arís is arís agus obair a dhéanamh orthu thar thréimhse ama.
