Códú agus na príomhscileanna Códú agus na príomhscileanna An phríomhscil Gné na príomhscile Gníomhaíocht foghlama an scoláire A bheith cruthaitheach Smaointe a chur i bhfeidhm agus gníomhú Déanann scoláirí ransú smaointe agus ceapann siad smaointe chun réitigh agus tionscadail a dhearadh agus a chur i bhfeidhm. A bheith liteartha Smaointe a chur in iúl go soiléir agus le cruinneas Cruthaíonn an scoláire suíomh gréasáin chun torthaí ábhair ar a ndearna sé taighde a thaispeáint. A bheith uimheartha Meon dearfach a fhorbairt i leith iniúchadh, réasúnaíochta agus réiteach fadhbanna DCruthaíonn an scoláire cláir ghearra a thaispeánann é ag úsáid agus ag tuiscint smaointe matamaiticiúla agus ríomhaireachta. Cumarsáid Plé agus díospóireacht Pléann an scoláire smaointe, déanann sé measúnú ar bhuntáistí agus ar mhíbhuntáistí cur chuige difriúil, agus molann sé réitigh fhéideartha. Tugann sé tuairisc ar thionscadail agus aiseolas ar obair daoine eile. Eolas agus smaointeoireacht a bhainistiú Smaoineamh go cruthaitheach agus go criticiúil Fiosraíonn an scoláire bealaí nua agus difriúla chun ceisteanna a fhreagairt agus chun fadhbanna a réiteach. Úsáideann sé uirlisí éagsúla chun teacht ar fhaisnéis agus chun í a bhainistiú agus a roinnt, ar nós sreabhchairteacha, cáipéisí deartha, cáipéisíocht códaithe agus liostaí fabhtanna. Mé féin a bhainistiú Spriocanna pearsanta a shocrú agus a bhaint amach Glacann an scoláire freagracht as a chuid foghlama pearsanta trí spriocanna a leagan amach agus trí chúnamh a lorg nuair is gá óna chomhscoláirí, ón múinteoir nó ó fhoinsí oiriúnacha eile, agus trí machnamh a dhéanamh ar an aiseolas a fhaigheann sé. Fanacht folláin A bheith slán Éiríonn an scoláire feasach ar na saincheisteanna folláine, sláinte agus sábháilteachta a bhaineann le bheith ag obair le ríomhairí, agus ar shaincheisteanna praiticiúla eirgeanamaíochta a bhaineann le ríomhairí a úsáid. Foghlaimíonn an scoláire le bheith freagrach, sábháilte agus eiticiúil nuair atá teicneolaíocht dhigiteach in úsáid aige. Obair le daoine eile Ag comhoibriú Forbraíonn an scoláire caidreamh maith oibre le daoine eile agus bíonn léirthuiscint aige don fhiúntas a bhaineann le meas agus le comhoibriú nuair atá spriocanna pearsanta agus grúpa á mbaint amach. Foghlaimíonn sé le léirthuiscint a bheith aige do bhuanna iléagsúla agus le tabhairt faoi obair chomhoibríoch.
