Treoir maidir le machnamh

Treoir ghinearálta le haghaidh chomhpháirt an Chleachtais Mhachnamhaigh Faoi Threoir

Tugann Ráiteas Chlár na hIdirbhliana deis do gach scoláire páirt a ghlacadh sa Cleachtas Machnamhach faoi Threoir mar chuid dá dtaithí Idirbhliana. Is é príomhfheidhm an Chleachtais Mhachnamhaigh faoi Threoir ná go mbeadh an scoláire ag machnamh agus ag cuimhneamh chun tosaigh, mar shampla, i gcás spriocanna, gaiscí, feabhsúchán, taithí, beart agus cinnteoireachta.

Moltar rang amháin sa tseachtain ar a laghad chun freastal ar an gcomhpháirt seo. Tá machnamh faoi threoir, ar bhealach struchtúrtha, riachtanach don scoláire san Idirbhliain de bharr go gcuidíonn sé leis an bhfoghlaim a dhaingniú, féinfheasacht a fhorbairt agus feabhas a chur ar scileanna smaointeoireachta criticiúla le linn don scoláire a bheith rannpháirteach in eispéiris foghlama thaitneamhacha, bhríocha ar feadh na bliana.