Aidhm agus cuspóirí Aidhm Is éard is aidhm le creat corpoideachais na sraithe sinsearaí ná rannpháirtíocht mhuiníneach, shultmhar agus oilte an fhoghlaimeora sa ghníomhaíocht choirp a spreagadh le linn dó a bheith ag gabháil don tsraith shinsearach agus níos faide anonn sa saol. Cuspóirí Is iad cuspóirí chorpoideachas na sraithe sinsearaí tacú leis an bhfoghlaimeoir i dtaca leo seo a leanas: muinín, inniúlacht agus cruthaitheacht a fhorbairt i réimse gníomhaíochtaí coirp a bheith rannpháirteach sa ghníomhaíocht choirp laistigh agus lasmuigh den scoil imscrúdú a dhéanamh ar luach na gníomhaíochta coirp i gcomhthéacsanna éagsúla tuiscint a chur ar an ngníomhaíocht choirp lena bhforbraítear corpacmhainn shláintebhunaithe agus tabhairt faoin ngníomhaíocht choirp sin tabhairt faoi róil éagsúla sa ghníomhaíocht choirp iompraíocht fhreagrach shóisialta agus phearsanta a léiriú sa ghníomhaíocht choirp, lena n áirítear féinmheas agus meas ar dhaoine eile a bheith ina rannpháirtithe oilte sa ghníomhaíocht choirp.
