Shaothar na Gcleachtóirí Aitheanta

Shaothar na Gcleachtóirí Aitheanta

Trí rannpháirtíocht sa drámaíocht, sa scannánaíocht agus san amharclannaíocht, tá sé mar aidhm ag an ábhar seo léirthuiscint a fhorbairt do chleachtóirí aitheanta, in Éirinn agus go hidirnáisiúnta, agus dá gcuid saothair, i réimse leathan comhthéascanna.

Tá sé i gceist go dtacóidh an próiseas cruthaitheach le tuiscint an scoláire ar an nádúr atriallach a bhaineann le haon ghiota scannáin nó amharclannaíochta a dhéanamh. Is cuid lárnach den phróiseas cruthaitheach é dul i ngleic le réimse foinsí, lena n-áirítear saothar na gcleachtóirí aitheanta agus taighde a dhéanamh ar réimse foirmeacha, teicnící agus gnásanna éagsúla. Cuirfear bunchloch eolais, scileanna, luachanna agus meonta ar fáil don scoláire ar féidir leis a chuid saothair a fhorbairt uirthi.

Sa Próiseas na Freagartha Criticiúla, foghlaimíonn an scoláire lena fhreagairt phearsanta, chriticiúil agus chruthaitheach féin ar shaothar na gcleachtóirí aitheanta, ar shaothar a phiaraí agus ar a shaothar féin a chur in iúl. Téitear i ngleic le próiseas na freagartha criticúla de réir mar a thugtar aghaidh ar shaothar ealaíonta dhomhan na hamharclannaíochta agus na scannán. Cuirtear tús le breithniú a dhéanamh ar dhrámaí agus ar scannáin trí lionsa an phróisis freagartha chriticiúil agus téitear i ngleic le saothar na léirmheastóirí aitheanta sa réimse amharclannaíochta agus scannánaíochta araon.