Eolaíocht

Trí ábhar atá san Oideachas Sóisialta, Imshaoil agus Eolaíochta: Eolaíocht, Tíreolaíocht agus Stair. Cuireann an OSIE ar chumas páistí tuiscint a fháil ar a dtimpeallacht áitiúil agus ar an  timpeallacht  i gcoitinne, agus taiscéalaíocht agus imscrúdú a dhéanamh ar na timpeallachtaí sin.

Múintear an eolaíocht do gach dalta ó rang na naíonán beag go rang a sé. Cuireann an curaclam ar chumas páistí na bunscileanna eolaíochta a shealbhú trí eolas a chur ar an eolaíocht agus tuiscint uirthi a fháil. 

In dhá chuid a chuirtear an curaclam i láthair:

• Scileanna
• Ábhar:

• Nithe beo
• Fuinneamh agus fórsaí
• Ábhair
• Feasacht agus cúram an chomhshaoil.

An curaclam atá ann i láthair na huaire, tugadh isteach é mar chuid de Churaclam na Bunscoile (1999).